La Cantiga de l Pastor

Staba you onte a reber las músicas antigas que tenie guardadas i saliu-me a las manos un cd cun cantigas de l grupo "Madredeus". Al oubi-lo deixei-me ambalar naqueilhes ritmos, deixe-me lhebar por aqueilha melodie tan guapa cumo l cantar dun rouxinol, tan doce pa ls oubidos de quien l scuita. Ye pena que l grupo yá tenga acabado, mas pra siempre han-de quedar las cantigas que fazírun i por isso, eiqui deixo, hoije, ua de las sues cançones que ye, cada beç mais, un clássico de la música pertuesa i que de cierta forma tien que ber cun la tierra de Miranda. Que ye ua tierra de giente trabalhadeira adonde siempre eisistirún muitos pastores, que andando por las arribas a saltar fragas i a passar por lhameiros cun las sues canhonas, iban tamien cantando, tocando sues fraitas i sues gaitas i... i iban, siempre, sonhando.

La Cantiga de l Pastor

Ai que naide bolbe
al que yá deixou
naide lharga la grande roda
naide sabe donde ye que andou

Ai que naide lhembra
nien l que sonhou
i aqueilhe nino canta
la cantiga de l pastor

Al lhargo
inda arde
la barca
de la fantasie
i l miu suonho acaba tarde
deixa l'alma de bigia
Al lhargo
inda arde
la barca
de la fantasie
i l miu suonho acaba tarde
acordar ye que you nun querie.

Cun las melhores saudaçones,

Raposa.

sinto-me:
música: A Cantiga do Pastor by Madredeus
publicado por Streilha às 19:25 | link de l post | comentar | Juntar als faboritos