La Segada: Purmeira Parte

Stá a chegar l Berano i cun el chegan tamien las canseiras, quiero dezir, las segadas. L tiempo de las segadas, ye un tiempo de muito trabalho, an que ye preciso ir pal campo todo l die pa tirar l pan. Mas las segadas nun son só tiempo de trabalho, tamien son un tiempo de muita alegrie, son un tiempo de cunbíbio antre las pessonas, an que se cuntan muitas lhonas i las bozes s' afinan i cantan modas i cantigas, que animan toda la giente i, a las bezes, cuntan stórias que nos ansinan siempre algo nuobo.

Hoije deixo-bos ua de las cantigas de la segada de l tiempo de ls mius abós:

Ah prima bamos a la segada,
ah prima, bamos segar,
fui na segada que you ganhei,
l miu lhenço de assuar.

Miu lhenço de assuar,
inda nun fui a barré-la
tengo outro pa lhimpar ls mius uolhos
quando you me fur desta tierra,

Quando you me fur desta tierra,
trés cousas te bou a pedir,
que me guardes lealdade,
fiel até you benir.

Chorai uolhos, chorai uolhos,
lo chorar nun ye çprezo,
tamien la Birge chorou,
quando biu sou filho preso!

Até outro die!!!

Cun las melhores saudaçones,

Raposa.

sinto-me:
publicado por Streilha às 14:04 | link de l post | comentar | Juntar als faboritos