Sábado, 13.07.13

Lhibro de las Horas

Apuis de muito tiempo sien benir acá, stou de buolta. 

Un camarada lhembrou-me dun poema de Torga que muito me diç i que hai muito nun lhia.

 

Eiqui queda.

 

Lhibro de las Horas

 

Eiqui, delantre de mie,
you, pecador, me cunfesso
de ser assi cumo sou.
Me cunfesso l buono i l malo
que ban al lheme de la nau
nesta deriba an que bou.

 

Me cunfesso
possesso
de las birtudes teologales,
que son trés, i de ls pecados mortales,
que son siete,
quando la tierra nun repite
que son más.

 

Me cunfesso
l duonho de las mies horas.
L de las facadas ciegas i raibosas
i l de las ternuras lhúcidas i mansas.
I de ser de qualquiera modo andanças
de l mismo todo.

 

Me cunfesso de ser charco
i lhunar de charco, a la mistura.
De ser la cuorda de l arco
qu'atira sietas arriba
i abaixo de la mie altura.

 

Me cunfesso de ser todo
que puoda nacer an mie.
De tener raízes ne l chano
deste miu donairo.
Me cunfesso d' Abel i de Cain.

 

Me cunfesso de ser home.
De ser un anjo zbalido
de l tal cielo que Dius goberna;
de ser un monstro salido
de l buraco más fondo de la caberna.

 

Me cunfesso de ser you.
You, tal i qual cumo benie
pa dezir que sou you
eiqui, delantre de mie!

 

Miguel Torga

 

publicado por Streilha às 21:53 | link de l post | comentar | Juntar als faboritos
Sábado, 05.01.13

Feliç Die de Reis!

 

Spero que tengades tido un eicelente Natal i uas mi buonas antradas an 2013.

 

Qu' astanho bos traga salude, paç, lhuç, alegrie i sucesso.

 

I cumo l tiempo bola, manhana ya ye Die de Reis!

 

Comei muito Bolho-Rei, se quesirdes i/ou pudirdes.

 

An qualquiera caso deseio-bos un die feliç!

 

publicado por Streilha às 22:52 | link de l post | comentar | Juntar als faboritos
Quarta-feira, 19.12.12

Burgalesa



La música ye bien guapa. I you gusto muito deilha.
publicado por Streilha às 02:22 | link de l post | comentar | Juntar als faboritos

Notas Suoltas

 

Hai quien diga que sites son blogs de Mirandés. Hai quien diga tamien muitas outras cousas por s'anraibar do que ls outros fazen.

 

Assi cumo hai modas: que chegan, quedan un cachico i apuis passan.

 

Cumo dirie Camões "mudan-se ls tiempos, mudan-se las buntades", nun fura assi i l determininsmo serie la cousa mais cierta de l mundo.

 

Por mie, digo que las pessonas eiboluen i nun quieren siempre l mismo i que, sendo um blog pessonal, puodo postar l que quierga sien tener rótulos.

 

Este ye apenas un spácio adonde partilho l que me dá na gana, quando me dá na gana (ou quando puodo ou me lhembra).

 

Hoije, stou an modo "pinterest" (apesar d' inda nun tener alhá cuonta) i an modo quelor.

Biba la bida!

 

Haba alegrie! 

 

publicado por Streilha às 01:15 | link de l post | comentar | Juntar als faboritos
Segunda-feira, 16.07.12

Biaige

Ye l biento que me lhieba

L biento lhusitano

Ye este assopro houmano

Ounibersal

Qu'anche la inquietaçon de Pertual.

Ye esta senreira de lhoucura mansa

Que todo alcança

Sien alcançar.

Que bai de cielo an cielo,

De mar an mar,

Até nunca chegar.

I esta tentaçon de m'ancuntrar

Más cheno d' amargura

Ne ls cachicos antre la bentura

De me percurar.

 

Miguel Torga

publicado por Streilha às 13:11 | link de l post | comentar | Juntar als faboritos
Quarta-feira, 14.12.11

Bózio

Nun puodo yá cun yerbas nien cun arbres;
Prefiro ls lisos, frius mármoles
     Adonde nada stá screbido.

Miu gusto da paisaige feç-se scuro;
Nenhures ye l lhugar que mais percuro
     Cumo home banido.

You bein sei: La berdura! La flor! Ls fruitos!
Mas nun puodo passar de uolhos anxuitos,
     Miu campo bierde aflegido.

 

Porbentura cegaran ls mius uolhos
Porque hai nos silbeirales froles als manolhos
     - Tanta flor me ten dezido.

Mas you bien sei que mobediços lhodos
Que son l chano, las lhágrimas de todos,
     Miu coraçon cuntrito.

You nun sei se manhana será miu die;
Recuolho-me furtibo na poesie,
     Ancierto l chano que habito.

Ai de mie! Ai de mie, nubre medonha!
Ls homes conheci, bebi peçonha,
     I ye por isso que bózio.

 

Grito - Afonso Duarte

publicado por Streilha às 02:08 | link de l post | comentar | Juntar als faboritos
Terça-feira, 29.11.11

Rogo

Agora que l siléncio ye un mar sien ondas, 
I que neilhe puodo nabegar sien rumo,
Nun respundas
A las ourgentes preguntas
Que te fizo.
Deixa-me ser
feliç
Assi, 
Ya tan longe de ti cumo de mie.

Pierde-se la bida a
deseá-la tanto.
Solo soubimos sufrir, anquanto 
L nuosso amor
Durou.
Mas l tiempo passou,
Hai calmarie...
Nun scaroles la paç que me fui
dada.
Oubir de nuobo la tue boç serie
Matar la sede cun auga salgada.

 

'Súplica' - Miguel Torga 

publicado por Streilha às 00:37 | link de l post | comentar | Ber comentairos (1) | Juntar als faboritos
Sábado, 05.11.11

Eco

Ah, tierra trasmuntana

Que nun tienes un cantador a la tue altura!
...
Un Marón anspirado,

Un Doiro anquietado,

Un praino abierto

De carne i uosso

Capaç de bolber a medrar noutra burdade

Esta grandura oustera,

Adonde las piedras aparecen tener buntade, 
 

I ningua buntade zaspera.

 

 

Miguel Torga, 'Diário XI'

publicado por Streilha às 15:35 | link de l post | comentar | Juntar als faboritos
Domingo, 14.08.11

Quinto Ampério

Triste de quien bibe an casa,
Cuntento cul sou lhar,
Sien qu' un suonho, ne l erguer de la ala
Faga até mais caliente la brasa
De la lhareira a abandonar!

 

Triste de quien ye feliç!
Bibe porque la bida dura.
Nada n' alma le diç
Mais que la liçon de la raiç
Tener por bida la sepultura.

 

Eras subre eras se somen
Ne l tiempo qu' an eras ben.
Ser çcuntento ye ser home.
Que las fuorças ciegas se domen
Pula bison que l'alma ten!

 

I assí, passados ls quatro
Tiempos de l ser que sonhou,
La Tierra será treato
De l die claro, que ne l atro
Da l'erma nuite ampeçou.

 

Grécia, Roma, Cristandade,
Ouropa: ls quatro se ban
Pr' adonde bai toda l'eidade.
Quien ben bibir la berdade
Que morriu D. Sebastian?

 

Fernando Pessoa

publicado por Streilha às 12:24 | link de l post | comentar | Juntar als faboritos
Sábado, 21.05.11

Chamo-bos a mi

Ben a tener comigo, Nuite scura
Cumo ua sepultura.
Tengo streilhas als pies pa te dar.
De mi te bai nacir l lhuar.

Saudade, ben, arrocha-me la gorja
Cun la tue garra de festicas. Canta
La boca abierta a l'aire que ya le falha,
Mas que anchan bersos que, de malo grado, spalha.

Ben, Solidon, fazir-me companhie,
Tira de l miu peito la laja frie.
Tengo bidas a mais, que nun cunsigo
Bibir senó cuntigo.

Senhardade i Houmildaçon, que criais rancores,
Binde, amouchar-bos-ei de flores.
Por, sien passaiges, çcampados
Chego als jardins colgados anterrados.

Traiçones, Anfados, Amargor, Afliçones, Agonies,
Anchei las mies manos bazies.
Lhiberais bo-las trago a recebir-bos:
Tiranos que me fuostes, cumo scrabos, serbi-nos.

Ben, Zaspero! Anche-me l spácio,
Çpoija-me de l nada a que me abraço.
Quiero arrolhar-te al colo da sperança
Que nada pide, - todo alcança.

Apuis ben tu, quando t' antolha.
S' inda tremo al sentir-te l' Ala,
Ya, dada la buolta, bou boltando a l' Ourige.
Ben buscar l tou noibo outra beç birge.

José Régio

 

Porque ye un de ls mius poetas mais queridos i porque ls sous poemas me dízen muito, eiqui queda mais un.

publicado por Streilha às 15:14 | link de l post | comentar | Ber comentairos (1) | Juntar als faboritos

mais sobre mi

percurar

 

Julho 2013

D
S
T
Q
Q
S
S
1
2
3
4
5
6
7
8
9
10
11
12
14
15
16
17
18
19
20
21
22
23
24
25
26
27
28
29
30
31

posts inda calenticos

últimos comentairos

  • Poesie linda! Muitos Parabienes! :-)
  • Buonas nuites,O IV Encontro dos Blogueiros Mirande...
  • L poema yá ye magnífico an pertués mas, an mirandé...
  • Que raposa mas guapa¡¡;)
  • Bun anho nuobo
  • bonita a musica
  • Precissamos ajuda com a Biquipédia mirandesahttp:/...
  • Muito lindo. Regressei hoje das terras de Miranda ...
  • Nun sera ua storia de plasticos ou algo assi ?
  • PATRIMÓNIO ORAL E IMATERIAL DAS TERRAS DE MIRANDA....

Posts mais comentados

arquibos

tags

links

participar

subscrever feeds

blogs SAPO