Quarta-feira, 15.08.07

L gueiteiro

Stamos nel Berano i portanto antremos an tiempo de çcanso i de fiestas.

Antigamiente, cumo nun habie cunjuntos de músicas pa animar las fiestas, ls mordomos chamaban ls gueiteiros. Hoije, ainda ls chaman, mas yá só ye pra tocaren la alborada i durante la missa.

Entretanto, quando l gueiteiro iba passando por las aldés, quedaban siempre stórias pa cuntar. I de las muitas stórias que se cuntaban datrás muitas transformaban-se an músicas.

Hoije, stando you a ber l cancioneiro tradicional mirandés ancuntrei ua cantiga que toda la giente conhece, mas que quaise naide sabe la música anteira.

La cantiga chama-se "Lenga lenga de la mulhier que biu l gueiteiro" i ye mais conhecida por "Bi benir la gaita". Eiqui bos la deixo:

Bi benir la gaita,

Al cimo del lhugar

Pousei la mie roca

I pus-me a beilar!

I tanto beilei,

A la porta del forno,

I tanto beilei

Que me dórun un bolho!

I tanto beilei,

Cula gaita galhega,

I tanto beilei

Que me namorei deilha!...

Bi benir la gaita

I l gueiteiro nó,

Oh que pena tengo,

Nel miu coraçon!...

Beila l beilarico

Beila-lo bien beilado

De hoije an nuobe meses

Habemos de fazer l baptizado!....

 

Cun las melhores saudaçones,

Raposa.

Segunda-feira, 13.08.07

Ye porque sí

I porque esta música hoije nun me sal de la cabieça, deixo-bos-la eiqui.

Ye angraçada, pienso que tamien gustareis, se ye que nun la conheceis yá.

 

Se tou pai me dera

Ua mula russa,

Casarei cuntigo,

Oh cara patusca!

 

Oh bela, chim, chim,

Oh bela sin flor,

Oh chim chim la nina

Oh raio del sol,

 

Se nun benes cumigo,

Adius, miu amor! (bis)

 

Se tou pai me dera

Ua mula branca,

Casarei cuntigo,

Oh cara giganta!

 

Oh bela, chim, chim,

Oh bela sin flor,

Oh chim chim la nina

Oh raio del sol,

 

Se nun benes cumigo,

Adius, miu amor! (bis)

 

Se tou pai me dera

Ua mula prieta,

Casarei cuntigo,

Oh cara de streilha!

 

Oh bela, chim, chim,

Oh bela sin flor,

Oh chim chim la nina

Oh raio del sol,

 

Se nun benes cumigo,

Adius, miu amor! (bis)

 

Cun las melhores saudaçones,

Raposa.

sinto-me:
publicado por Streilha às 01:31 | link de l post | comentar | Ber comentairos (2) | Juntar als faboritos
Quarta-feira, 08.08.07

Lhembra(-me) Camões...

I bendo-me you a ler ls poemas de alguns de ls mius poetas preferidos, ancuntrei este, que siempre que l leio me faç pensar... Nun sei, mas quier-me parecir que Camões na última estrofe deste poema descrebiu, cumo ningún outro até l die d'hoije, l amor... se nó, beamos, ou melhor, leamos:

 

Busque Amor nuobas artes, nuobo angeinho
Pera matar-me, e nuobas esquibanças,
Que nun puode tirar-me las speranças,
Que mal me tirará l que you nun tengo.

Olhai de que speranças me mantengo!
Bede que perigosas seguranças!
Que nun temo contrastes nin mudanças,
Andando an brabo mar, perdido l leinho.

Mas, anquanto nun puode haber dezgusto
Donde sperança falta, alhá me sconde
Amor um mal, que mata e nun se bê,

Que dies hai que na alma me ten puosto
Un nun sei quei, que nace nun sei donde,
Ben nun sei cumo e dói nun sei porquei.

Luís Vaz de Camões

Cun las melhores saudaçones,

Raposa.


sinto-me:
música: Suavemente by Elvis Crespo
publicado por Streilha às 01:20 | link de l post | comentar | Ber comentairos (1) | Juntar als faboritos
Terça-feira, 07.08.07

Diairo de Biaige - Parte II

Cumo quien anda de die, you ando de nuite. Sou cumo quien nunca bê, mas siempre l oube. Cumo ls que ban por ende, you bou por eiqui. Sou cumo quien piensa, mas nunca s’acha l que ye.

Ye Berano i ando you por caminos del miu paiç. Stá calor i you eiqui l sinto i recibo.

Sou mirandesa, mas outros nó. Sou l que mostro, mas outros nó.

Sou Raposa i tengo proua. I li algures que la palabra ye prata, mas l silêncio ye ouro.

I yá que palabra falada nun puodo dezir, porque naide l’oubirie, digo palabras nel silêncio de la scrita que outros oubiran nel silêncio de la lheitura. I assí cuorre la bida...

Uns scriban, outros leian, uns falan, outros scuitan, mas todos sin excepçon tenen un lhugar nel mundo, todos tenen un papel, mas nin todos, contudo, acertan nel sou. Acertarei you nel miu? Cada die que passa, ye mais un passo pra you l çcobrir.

Apesar disso, nun stou cierta que algun die l saberei ou tenerei la certieza, porque nunca sabemos todo, nin nunca de todo tenemos certieza. Ls sábios dizen mismo, que só ls loucos tenen certiezas. Fagamos anton de la nuossa bida ua çcubierta i çcubramos l que pudirmos de nós mismos i çcubramos l que cunseguirmos del mundo que stá a la nuossa buolta. Beiamos l belo que hai na criaçon. Tiremos conclusones del malo. Aporbeitemos l que de positibo hai. Aprendamos cun l passado, olhemos pal feturo i sobretodo bibamos l presente que ye l die de hoije. Seiamos felizes, que ye l que lhebamos diesta bida. Quien nos paga pra quedarmos tristes? Quien nos manda nun star cuntentes? Bibamos l tiempo que temos, que l tiempo, esse çcachapiedras, nun spera por nós, nun spera que nós queiramos acordar pa la bida, nun spera pul die an que quesirmos ampeçar a bibir pa ampeçar a cuntar, l cunta siempre. Assí, spero, que apuis disto pensemos, cuncurdemos i aporbeitemos las fiestas del berano i las férias pa nos alhegrarmos i çcarnsarmos de las canseiras del resto del anho.

 

Cun las melhores saudaçones,

Raposa.

música: Put your records on by Corine Bailey-Ray
publicado por Streilha às 01:34 | link de l post | comentar | Juntar als faboritos

mais sobre mi

percurar

 

Agosto 2007

D
S
T
Q
Q
S
S
1
2
3
4
5
6
7
8
9
10
11
12
14
16
17
18
19
20
21
22
23
24
25
26
27
28
29
30
31

posts inda calenticos

últimos comentairos

  • Poesie linda! Muitos Parabienes! :-)
  • Buonas nuites,O IV Encontro dos Blogueiros Mirande...
  • L poema yá ye magnífico an pertués mas, an mirandé...
  • Que raposa mas guapa¡¡;)
  • Bun anho nuobo
  • bonita a musica
  • Precissamos ajuda com a Biquipédia mirandesahttp:/...
  • Muito lindo. Regressei hoje das terras de Miranda ...
  • Nun sera ua storia de plasticos ou algo assi ?
  • PATRIMÓNIO ORAL E IMATERIAL DAS TERRAS DE MIRANDA....

Posts mais comentados

arquibos

tags

links

participar

subscrever feeds

blogs SAPO