Sábado, 22.09.07

L Bispo i la tie

Staba you hoije a recordar las cuntas de ls antigos i deparei-me cun esta lhona que me feç rir un fartote. Por isso, eiqui bos queda:

Bieno l bispo a Miranda i todos ls lhugares mandórun un represantante a lhebar las sues homenaiges.

Bai ua tie de Paradela i chegou-se al bispo i pergunta-le:

- Ah tiuzote, sodes bós l nuosso bispo?

- Eu sou sim senhora.

- Ai Dius benza tan grande animal! A mi bien me parecie que érades bós porque trazéis la saia de fuora de l saio! Olhai, mandórun-me ls de Paradela que bos trazisse este alqueire de castanhas, mas teneis que las morder cun l culo que eilhas storílhan que rebrílhan.

L bispo mirou-la mui spantado i quando saliu de l spanto perguntou-le:

- Mas, ó senhora, na sua terra não havia quem falasse melhor que a senhora?

I la tie respundiu-le

- Si todo se corriu i todo se falou mas para quien tu eras chegaba bien you!

testo de l lhibro "Lhiteratura Oral Mirandesa"

Cun las melhores saudaçones,

Raposa.

sinto-me: gonna be DR, this feels great
música: Entre o Sol e a Lua by Ricardo Azevedo
publicado por Streilha às 01:37 | link de l post | comentar | Ber comentairos (2) | Juntar als faboritos
Sexta-feira, 14.09.07

I porque assí me quier parecir...

... eiqui l deixo.

Cabalho a la suolta

Mie laranja amargosa i doce
miu poema
feito de guomos de saudade
mie pena
pesada i lhiebe
secrieta i pura
mie passaige para l brebe, brebe
instante da lhoucura.

Mie ousadie
miu galope
mie rédea
miu potro doido
mie chama
mie réstria
de lhuç antiensa
de boç abierta
mie denúncia del que piensa
del que siente la giente cierta.

An ti respiro
an ti you porbo
por ti cunsigo
esta fuorça que de nuobo
an ti persigo
an ti percuorro
cabalho a la suolta
pela marge del tou courpo

Mie alegrie
mie amargura
mie coraige de correr contra la ternura.

Por isso digo
cançon, castigo
amêndoa, trabo, cuorpo, alma, amante, amigo
por isso canto
por isso digo
alpiendre, casa, cama, arca del miu trigo.

Miu desafio
mie abentura
mie coraige de correr contra la ternura.

Ary dos Santos

 

Cun las melhores saudaçones,

Raposa.

sinto-me:
música: Just to see you smile by Tim McGraw
publicado por Streilha às 04:00 | link de l post | comentar | Juntar als faboritos
Quinta-feira, 13.09.07

Diairo de Biaige - Parte III

I assí fui mais un Berano. I assí furun mais un dies i mais uns meses de la mie bida. Se you gustei? Claro, ye Berano, son férias, stá calor. Mas l Berano será sólo isso? Nó, tamien ye sinónimo de fiestas, nuites passadas culs amigos, bailes i bailaricos. Anfin, las memórias de todo isso quedan guardadas. Fundo, mui fundo nel peito. Furun buonos momentos i naide puode dezir l contrairo.

Este tiempo ten tamien tiempo de conhecer nuobos lhugares, digo biajar i conhecer nuobas pessonas. Ls ansinamientos nuobos de todo isso, meriecen tamien un cantico de la mie memória i un cachico de l miu tiempo para sobre eilhes reflectir, reflexionar, daprender-los i, sobretodo, apreender-los.

I que mais? Nel Berano nun hai mais nada? Nó, nel Berano hai l contrairo: nel Berano hai todo. Hai dies de calor i nuites de friu. Hai momentos acompanhados de giente i hai momentos sólo nuossos. Hai tiempos, muitos tiempos felizes i hai outros que guardamos an nós mesmos, que relhambramos lque nos angustia ou que nos deixa tristes.

L Berano ye aqueilha parte del anho an que sin mais nada que fazir, aporbeitamos pa bibir la bida até l fundo. I la bida ten de todo. Mas l que queda ye l buono i l buono ye muito melhor que l malo. Ls que quedamos somos nós i nós tenemos l que ye mais precioso: la bida. Aporbeite-mos-la, puis. I isso ye todo l que esta staçon nos diç: la bida ye tue, yes donho i senhor deilha, faç, trilha l tou camino. Assí, chegando agora l Outono, ampieça la caminada pa fazir l nuosso camino. Portanto, manos a la obra, que ya se fai tarde...

L passado alhá stá, l presente ye agora i l futuro por nós spera.

Assí seia.

 

Cun las melhores saudaçones,

Raposa.

sinto-me:
música: Canção Simples by Tiago Bettencourt & Mantha
publicado por Streilha às 04:21 | link de l post | comentar | Ber comentairos (1) | Juntar als faboritos

mais sobre mi

percurar

 

Setembro 2007

D
S
T
Q
Q
S
S
1
2
3
4
5
6
7
8
9
10
11
12
15
16
17
18
19
20
21
23
24
25
26
27
28
29
30

posts inda calenticos

últimos comentairos

  • Poesie linda! Muitos Parabienes! :-)
  • Buonas nuites,O IV Encontro dos Blogueiros Mirande...
  • L poema yá ye magnífico an pertués mas, an mirandé...
  • Que raposa mas guapa¡¡;)
  • Bun anho nuobo
  • bonita a musica
  • Precissamos ajuda com a Biquipédia mirandesahttp:/...
  • Muito lindo. Regressei hoje das terras de Miranda ...
  • Nun sera ua storia de plasticos ou algo assi ?
  • PATRIMÓNIO ORAL E IMATERIAL DAS TERRAS DE MIRANDA....

Posts mais comentados

arquibos

tags

links

participar

subscrever feeds

blogs SAPO