Quarta-feira, 31.10.07

Bamos alhá a ber...

Ora que Dius mos dê buonas tardes, apuis de muitos dies, an que todos pudirún pensar acerca de la respuosta a la adebina, eiqui stou hoije pa la dezir.

Desanganhen-se aqueilhes cuja eideia le fugiu pa los "malos pensamientos", la respuosta ye bien mais simples i clara, apesar de nun parecir. Cumo todos bien sáben, antigamiente la bida nun yera fácil i cumo las pessonas trabalhában nel campo guardabán las melhores roupas pa ls deimingos i pa las fiestas. I quien diç la roupa, diç las jóias. Que nieste caso son ls brincos... cumo la moça nun staba acostumada a usá-los, ne l die an que se casou usou-los i eilhes fazírun-le alergie, l que le deixou las oureilhas: "anflamadas".

Assí sendo, cumo bedes, sentido de humor ye cousa que nun falta als mirandeses. Cumo esta hai mais adebinas, mas tamien anedotas i lhonas. Outro die, quien sabe conto-bos mais.

Spero que tengades gustado.

Cun las melhores saudaçones,

Raposa.

sinto-me:
música: O teu segredo by TUP
publicado por Streilha às 15:09 | link de l post | comentar | Juntar als faboritos
Quarta-feira, 17.10.07

Quei será, quei será?

I porque you me escachei a rir cun esta, eiqui queda la adebina:

Mie prima casou-se onte
i nun staba aquestumada,
metiu l couso na cousa
i quedou anflamada?

Alguien sabe l que ye?

Eiqui fica la queston an abierto por uns dies.

Se até alhá nun adebinardes, apuis bos hei-de dezir! 

 

Cun las melhores saludaçones,

Raposa.

sinto-me:
música: Encosta-te a mim by Jorge Palma
publicado por Streilha às 16:34 | link de l post | comentar | Ber comentairos (1) | Juntar als faboritos
Sábado, 13.10.07

I bai ua moda an forma de remanse?

An todas las cantigas mirandesas hai siempre ua stória que cuntar ou algua anformaçon ou cunseilho a dar a las pessonas. Ora la cantiga que hoije bos traigo, cunta un remanse. I ye daqueilhes eiguales a las grandes cuntas de Shakespear, daqueilhes que muitas bezes ampeçan ls anredos dels quelóquios... daqueilhes que you gusto, daqueilhes que nunca me çqueço.

Eiqui queda, D. Filomena:

 

Stando D. Filomena

Stando D. Filomena

Sentada an sou balcão

Sentada an sou balcão

Penteando ls sous cabelos

Penteando ls  sous cabelos

Cun piente d'ouro na mão

Cun piente d'ouro na mão

Passou ali un soldado

Passou ali un soldado

Lhougo lhe apertou a mão

Lhougo lhe apertou a mão

Apierta, apierta soldado,

Apierta, apierta soldado,

Que agora ye ocasion,

Que agora ye ocasion,

Miu marido fui a caça,

Miu marido fui a caça,

Alhá prós lhados de Aragón,

Alhá prós lhados de Aragón,

Ls cuorbos tiraran-le ls uolhos,

Ls cuorbos tiraran-le ls uolhos,

Las ailas l coraçon,

Las ailas l coraçon.

 

Cun las melhores saudaçones,

Raposa.

sinto-me: laughing out loud (vulgo lol)
publicado por Streilha às 12:06 | link de l post | comentar | Juntar als faboritos
Terça-feira, 02.10.07

La Admirable Sabedorie Mirandesa

You sei que ya passou del tiempo, mas dá geito daprender-lo an qualquier altura del anho pa quando l precisarmos l sabermos. Eiqui bai:

Anho de gamones
pan als muntones,
anho de bulhacas,
pan pulas buracas,
anho de oulibas,
fame pulas barrigas,
anho de belhotas,
porbes pulas puortas.

Cun las melhores saudaçones,

Raposa.

sinto-me: doidos por azul e amarelo...
música: Madalena by Tuna Universitária do Porto
publicado por Streilha às 20:31 | link de l post | comentar | Juntar als faboritos

mais sobre mi

percurar

 

Outubro 2007

D
S
T
Q
Q
S
S
1
2
3
4
5
6
7
8
9
10
11
12
14
15
16
18
19
20
21
22
23
24
25
26
27
28
29
30

posts inda calenticos

últimos comentairos

  • Poesie linda! Muitos Parabienes! :-)
  • Buonas nuites,O IV Encontro dos Blogueiros Mirande...
  • L poema yá ye magnífico an pertués mas, an mirandé...
  • Que raposa mas guapa¡¡;)
  • Bun anho nuobo
  • bonita a musica
  • Precissamos ajuda com a Biquipédia mirandesahttp:/...
  • Muito lindo. Regressei hoje das terras de Miranda ...
  • Nun sera ua storia de plasticos ou algo assi ?
  • PATRIMÓNIO ORAL E IMATERIAL DAS TERRAS DE MIRANDA....

Posts mais comentados

arquibos

tags

links

participar

subscrever feeds

blogs SAPO