Segunda-feira, 31.12.07

Feliç Anho Nuobo

Yá stá quaise a chegar un nuobo anho i yá stá quaise a acabar l anho de 2007, que cumo tantos outros fui cheno de cousas buonas i cousas más. Porbentura, l que mais queda na memória de las pessonas son las cousas ruins, mas la berdade ye que tamien hubo cousas buonas que bal la pena recordar. Pra mi, por eisemplo, fui un anho de mudanças: fui l anho que marcou la mie antrada na bida académica, fui l anho que marcou la entrada pal curso que you realmiente querie, fui l anho que conheci melhor ls amigos que yá tenie i reforcei amisades, mas fui tamien l anho an que fiç nuobos amigos. Amigos esses que spero, cuntinuen a sê-lo por muitos i buonos anhos, yá que bamos a ter que nos aturar unos als outros pul menos ne ls próximos seis anhos. A eilhes querie deixar l miu oubrigado por todo que yá bibimos juntos, por todo l que yá partilhamos i por todo l que inda stá por bir. Que bengan mais almuorços, que bengan mais jogos de cartas, que bengan mais meriendas nel Piolho, que bengan mais cenas, que bengan mais fiestas de flores i arraiales, que bengan mais cinemas i sobretodo, que bengan muitos mais sorrisos i cumplicidades. A bós: Sabel, Sofie i Basco que l que creamos dure.

Que l anho de 2008 seia pra todas las pessonas un anho melhor que 2007 i que neste anho nunca se perca la sperança i se ganhe salude pra tener fuorças pra trabalhar i festejar siempre mais i mais. Que la bida seia la alegrie que debe ser...

Cumo ua cousa nun ben só, l anho de 2008 trai cun el l més de janeiro i sobre esse més la sabedorie mirandesa reza alguns ditos dezideiros que bal siempre la pena recordar, eiqui bos quedan:

Auga de janeiro,
cada gota bale denheiro.

Janeiro nebado
ye malo pa l ganado.

An Janeiro
chube al outeiro,
se bires berdegar,
pon-te a chorar,
se bires a tardegar,
pon-te a cantar.

Anho bissesto,
cabe palha i pan drento dun cesto.

Calças brancas an Janeiro
ye seinha de pouco denheiro.

Despeço-me, repetindo ls botos de bun anho nuobo: que la alegrie de la passaige d'anho dure l anho anteiro i que l borbulhar del spumante tampere l coraçon. Que tengades salude i eisito neste anho.

Cun las melhores saudaçones,

Raposa.

sinto-me: full of hopes
música: La vida es un Carnaval by Célia Cruz
publicado por Streilha às 19:04 | link de l post | comentar | Juntar als faboritos
Sábado, 08.12.07

Bida de Studante...

Staba you l’outro die a reber ls fados que se cantan nas serenatas dels studantes ounibersitairos i bi esta cantiga que ye ua de las mies preferidas. La cantiga chama-se "Feiticeira" i ye un fado académico.

Toda la giente conhece l fado de Pertual, mas nien todos saben que ls stuandes de l’ounibersidade tenen ls sous próprios diferentes dels que s’oubén todos ls dies nas casas de fado de la capital. Ls fados dels studantes falán de la bida boémia i trobadora, de las cidades que acolhen ls studantes, de las stórias que le ban passando als studantes, de temas de anterbençon, mas sobretodo falan dels sous amores.

Ls studantes antigamiente sofrian muito disso i fazien cantigas a las sues amadas, apuis juntaban-se alguns i fazian-le serenatas, quedando las moças apaixonadas por tamanha declaraçon de amor.

Este fado ye ua bela declaraçon a ua rapaza i talbeç por isso seia un dels fados académicos mais conhecidos.

Eiqui bos queda:

 

 

Cun las melhores saudaçones,

Raposa.

sinto-me:
publicado por Streilha às 00:04 | link de l post | comentar | Juntar als faboritos

mais sobre mi

percurar

 

Dezembro 2007

D
S
T
Q
Q
S
S
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

posts inda calenticos

últimos comentairos

  • Poesie linda! Muitos Parabienes! :-)
  • Buonas nuites,O IV Encontro dos Blogueiros Mirande...
  • L poema yá ye magnífico an pertués mas, an mirandé...
  • Que raposa mas guapa¡¡;)
  • Bun anho nuobo
  • bonita a musica
  • Precissamos ajuda com a Biquipédia mirandesahttp:/...
  • Muito lindo. Regressei hoje das terras de Miranda ...
  • Nun sera ua storia de plasticos ou algo assi ?
  • PATRIMÓNIO ORAL E IMATERIAL DAS TERRAS DE MIRANDA....

Posts mais comentados

arquibos

tags

links

participar

subscrever feeds

blogs SAPO