I cumo you gusto muito de Florbela Espanca. I cumo eilha diç l que piensa cumo naide mais cunsigue. I cumo you tengo lhido muito l lhibro que me dórun. I cumo Florbela Espanca ye la maior poetisa pertuesa. I cumo se debe dibulgar la sue obra. I cumo hai pessonas que precisan de ls sous poemas pa comunicar i passar las sues mensaiges scondidas. Eiqui queda l poema "Doce Certeza" de l lhibro "O Livro D'Ele", que nunca chegou a ser eiditado.
Por essa bida fuora hás-de adorar
Guapas mulhieres, talbeç; cun ganas loucas,
An anfinito anseio hás-de beisar
Streilhas d´ouro fulgindo an muitas bocas!
Ház-de guardar an cofre perfumado
Cabielos d´ouro i risos de mulhier,
Muito beiso d´amor apaixonado;
I nun te lhembrarás de mi sequier…
Ház-de tecer uns suonhos amerosos…
Han-de por muitos uolhos amargosos,
Ls tous uolhos de lhuç andar eimersos!…
Mas nunca ancuntrarás pela bida fuora,
Amor assí cumo este amor que chora
Nieste beiso d´amor que son mius bersos!…
Cun las melhores saudaçones,
Raposa.