Bacanças

Acabórun-se ls eisames. Chegórun las bacanças. Boltei pa la mie casa. Regressei a la mie tierra. I de nuobo, quando beio outra beç la tierra eimaculada adonde naci, assoma-se-me a la lembrancia Alberto Caeiro: l amador de la Naturieza i de toda la beleza que eilha ancierra. I you sou cumo el: ua amadora de todas estas arribas tan guapas, de toda esta fauna i de toda esta flora i de todas las paisages de l planalto mirandés... que todas las manhanas acorda mais ua beç pa la bida. Siempre i de nuobo gana, ua beç mais, a cada nacer dun nuobo die, nuoba bida.

 

La manhana raia. Nó, la manhana nun raia.

 

La manhana raia. Nó: la manhana nun raia.
La manhana ye ua cousa abstracta, stá, nun ye ua cousa.
Ampeçamos a ber l sol, a esta hora, eiqui.
Se l sol de la pormanhana dando nas arbres ye belo,
Ye tan belo se chamarmos a la manhana «ampeçarmos a ber l sol»
Como l ye se le chamarmos manhana;
Por isso nun há bantaige an pôr nomes errados a las cousas,
Nien mesmo an le pôr nomes alguns.

Alberto Caeiro

 

Cun las melhores saudaçones,

 

Raposa.

 

sinto-me: Streilha
música: (Bem) Na Minha Mão by Susana Félix
publicado por Streilha às 23:36 | link de l post | comentar | Juntar als faboritos