Realidade
I porque you quedei mais bielha. I porque las pessonas que me ampuortan nel mundo se lhembrórun de mi. I porque me dórun ua compilaçon de ls poemas de Florbela Espanca. I porque, hoije, este me diç algo. I porque you quiero... Eiqui queda l poema "Realidade" de Florbela Espanca, eiditado an 1930 nel lhibro "Charneca an Flor".
An ti l miu olhar feç-se alborada
I la mie boç feç-se gorjeio de nial...
I la mie burmeilha boca apaixonada
Tubo la frescura pálida de l lhino...
Ambriagou-me l tou beiso cumo un bino
Fulbo de Spanha, an taça cinzelada...
I la mie cabeleira desatada
Puso a tous pies la selombra dun camino...
Mies pálpebras son cor de berbena,
You tengo ls uolhos garços, sou morena,
I pra te ancuntrar fui que you naci...
Tienes sido bida fuora l miu deseio
I agora, que te falo, que te beio,
Não sei se te ancuntrei... se te perdi...
Cun las melhores saudaçones,
Raposa.
